Имрӯз, 25 сентябр дар ҳошияи баргузории Конференсияи байналмилалии илмӣ таҳти унвони "Ҷойгоҳи маънавӣ ва маърифатии осори Ҳофизи Шерозӣ дар фарҳангу забон ва адабиёти ҷаҳон" дар Театри давлатии академии драмавии ба номи Абулқосим Лоҳутӣ чорабинии фарҳангӣ фароғатӣ баргузор гардид.

Дар чорабинӣ масъулини Академияи миллии илмҳои Тоҷикистон, меҳмонони хориҷӣ, шоирону адибон ва аҳли ҳунари кишвар иштирок намуданд. Зимни баргузории чорабинӣ шоирону адибон аз ашъори Ҳофизи Шерозӣ шеърҳо қироат намуда, дар идома аҳли ҳунар бо сурудҳои ҷаззоби хеш ба чорабинӣ ҳусни дигар бахшиданд.