АКАДЕМИЯИ МИЛЛИИ ИЛМҲОИ ТОҶИКИСТОН ИНСТИТУТИ ЗАБОН ВА АДАБИЁТИ БА НОМИ АБУАБДУЛЛОҲИ РӮДАКӢ

E-Mail:iza.rudaki@gmail.com

Имрӯз дар толори Шурои олимони Институти забон ва адабиёти ба номи Абуабдуллоҳ Рӯдакии АМИТ мизи мудаввар дар мавзуи "Наврӯзшиносӣ дар Тоҷикистон" ва рӯнамоии маҷмуаи мақолаҳои тозанашри шуъбаи фолклор "Наврӯзнома" баргузор гардид.Маҳфили илмиро директори Институт, д.и.ф., профессор Шарифзода Ф.Х. ҳусни оғоз бахшид. Шарифзода Ф.Х. дар мавзуи "Навиштаҳои паҳлавӣ дар бораи Наврӯз" суханронӣ намуд. Суханронии мудири кафедраи методикаи таълими забон ва адабиёти ДДОТ ба номи С.Айнӣ, д.и.ф. Саъдӣ Қосимӣ дар мавзуи "Наврӯз - рамзи ҳувияти миллӣ пешкаши аҳли нишаст намуд.

Ходими калони илмии шуъбаи фолклор н.и.ф. Бибисултон Навбаҳорова маҷмуаи мақолаҳои "Наврӯзнома"- ро, ки мураттиб онро бар ӯҳда дошт, муаррифӣ намуд. Дар охир Ҳасани Султон шеъри дар васфи Наврӯз барои аҳли нишаст қироат намуд. Дар баррасӣ ва муҳокима донишмандон д.и.ф. Сайфиддин Назарзода, сарходими илмии шуъбаи забон Азиз Мирбобоев суханронӣ намуданд.